ديه تعتبر اول تدوينة ليه على المدونة علشان كده انا الاول حابب اعرفكم بنفسى
انا اسمى احمد
من مصر بدرس علوم الكمبيوتر من 3 سنوات
انا من محبين مجال الويب لأنه من المجالات الجميلة اللى كله نفسه يتعلمها علشان كده انا حابب اتكلم عن المجال ده
بسم الله الرحمن الرحيم
اول حاجة حابب اتكلم عنها فى المجال ده ان المجال بتاع الويب عموما سواء كان تصميم صفحات الويب او تطويرها هو مجال مش صعب لأ بالعكس لو انت حابب المجال ده اكيد هتقدر تبدع فيه لأن احنا دلوقتى فى عصر الا بداع علشان كده انا حابب اتكلم عن انواع الاشخاص اللى بيحولوا يدخلوا المجال ده
انا بحب اقسمهم الى 3 انواع:
الاول-الشخص اللى عنده شغف بالمجال ده بس مش عارف يلاقى اللى يدله على الطريق الصح.
التانى-الشخص اللى كل عايز يتعلم بسرعة علشان يحس انه بيعمل حاجة وده غلط لأن لازم يكون عندنا صبر قبل ناخد نعطى
الثالث- الشخص الصبور الملم بالعلم
ونبدء درسنا الاول فى المجال ده
موضوعنا الاول تصميم الويب web designing
تصميم الويب او وصف الويب كما يقول البعض
كلنا نعلم انه لايوجد شركة او اى منتج لا يتم الاعلان له على الانترنت فلكى تتم هذه الاعلانات تحتاج هذه الشركات الى مواقع الكترونية لتتمكن من التسويق لمنتجهالذلك تلجأ هذه الشركات الى مصمين الويب.
يتم تصميم الويب عن طريق العديد من الطرق هناك
1-المصمين الذين يستعملون طريقة التكويد
2-هناك الان العديد من البرامج التى يستخدمها الكثير من المصمين فى عملمهم
من وجهة نظرى انا شايف ان المصمم او المبرمج عموما لازم يتعلم الاول طريقة التكويد اليدوى قبل العمل على البرامج لأنها ستساعده فى حل جميع المشكلات عند العمل بأى برنامج تصميم .
اول حاجة ممكن نتكلم عنها النهاردة هى التصميم عن طريق الاكواد وانا من الناس اللى بتحب تشرح بطريقة السؤال والاجابة
اولا ماهو التصميم عن طريق الكود؟
التصميم عن طريق الكود هو استخدام اللغات الوصفية والتصميمية مثل HTML&CSSS وهما دول اللغات اللى احنا هنتكلم عنها فى مواضيعنا اللى جاية انشاء الله
ياريت تكونوا استفدتوا من موضوع النهاردة و بأذن الله هنبدء نشرح الاتش تى ام ال HTML من اول الدرش القادم .
